சென்னை நகரில் பல இடங்களில் நேற்றிரவு லேசான நிலநடுக்கம் ஏற்பட்டது.
நள்ளிரவு 1.30 மணி அளவில் எழும்பூர், வேப்பேரி, தியாகராயர் நகர், அண்ணாநகர், புரசைவாக்கம், புளியந்தோப்பு, பாலவாக்கம், மடிப்பாக்கம், திரு.வி.க.நகர் உள்ளிட்ட இடங்களில் நிலநடுக்கம் உணரப்பட்டது. இது 7 விநாடிகள் நீடித்தது.
சென்னை தலைமை செயலகத்திலும் நிலநடுக்கம் உணரப்பட்டது. அங்கு நிலநடுக்கம் 45 விநாடிகள்வரை நீடித்ததாக தகவல்கள் தெரிவிக்கின்றன.
நிலநடுக்கத்தால் கட்டடங்கள் குலுங்கின. இதனால் வீடுகளில் தூங்கிக் கொண்டிருந்த மக்கள் அதிர்ச்சி அடைந்தனர். நிலநடுக்கம் ஏற்பட்டபோது, பலத்த காற்றுடன் மழை பெய்யத் தொடங்கியது. இதையடுத்து பல இடங்களில் மின்சாரம் துண்டிக்கப்பட்டது. இதனால் மக்கள் மேலும் பீதிக்கு உள்ளாயினர்.
சென்னை: அந்தமானில் நேற்றிரவு 7.7 ரிக்டர் அளவுக்கு நிலநடுக்கம் ஏற்பட்டது. இதைத் தொடர்ந்து நாகையில் சுனாமி எச்சரிக்கை விடுக்கப்பட்டுள்ளது. மீனவர்கள் கடலுக்குள் மீன் பிடிக்க செல்ல வேண்டாமென அறிவுறுத்தப்பட்டுள்ளனர். கடலோரப் பகுதி மக்கள் பாதுகாப்பான இடங்களுக்கு வெளியேறி வருகின்றனர்.
சென்னை நகரின் பல்வேறு இடங்களில் நள்ளிரவு லேசான நிலநடுக்கம் ஏற்பட்டது. இதனால், அடுக்குமாடிகளில் வசித்தவர்கள் அலறியடித்து வீடுகளிலிருந்து வெளியேறினர். சென்னை மற்றும் ஐதராபாத் உள்ளிட்ட இடங்களில் நள்ளிரவு 1.40 மணியளவில் திடீரென நில நடுக்கம் ஏற்பட்டது. சில நொடிகளே நீடித்த நிலநடுக்கத்தை அடுக்கு மாடி வீடுகளில் வசித்தவர்கள் உணர்ந்துள்ளனர். இதையடுத்து, பொதுமக்கள் வீடுகளிலிருந்து அலறியடித்து வெளியேறி சாலைகளில் குவிந்தனர். சென்னையில், தேனாம்பேட்டை, கீழ்பாக்கம், மதுரவாயல், திரு.வி.க.,நகர் பாலவாக்கம், மடிப்பாக்கம் உள்ளிட்ட பெரும்பாலான இடங்களில் நிலநடுக்கம் ஏற்பட்டதால் பொதுமக்கள் பீதியடைந்தனர். இதற்கிடையே, நேற்று நள்ளிரவு சென்னை மற்றும் சுற்றுப்புறப் பகுதிகளில் கனமழை பெய்ததால், நிலநடுக்கம் உணரப்பட்ட பகுதிகளை சேர்ந்த மக்கள், தங்களது வீட்டினுள் இருக்க முடியாமலும், வெளியே வர முடியாமலும் தவித்தனர்.
ஐதராபாத் உள்ளிட்ட நகரங்களிலும் நேற்று நள்ளிரவு நிலநடுக்கம் ஏற்பட்டது.
அந்தமானில் 7.6 ரிக்டர் அளவில் ஏற்பட்ட நிலநடுக்கத்தின் தாக்கமே, சென்னையில் நில அதிர்வுக்கு காரணம் என்று வானிலை ஆராய்ச்சி நிலைய வட்டாரங்கள் தெரிவிக்கின்றன.
0 comments:
Post a Comment