ஒரே கதையை இரண்டு இயக்குனர்கள் படமாக்குவது தமிழ் சினிமாவில் புதிதல்ல. இந்த மாதம் வெளிவரும் கந்தசாமியும், ஜீவனின் கிருஷ்ணலீலையும் ஏறக்குறைய ஒரே கதை என ஏற்கனவே கூறியிருந்தோம். இதே சர்ச்சையில் சிக்கியிருக்கிறது சேரனின் பொக்கிஷம்
காதல் கடிதங்களின் பின்னணியில் சொல்லப்படும் காதல் கதை பொக்கிஷம். அறிமுக இயக்குனர் மீரா கதிரவன் இயக்கும் அவள் பெயர் தமிழரசி படத்தின் கதையும் ஏறக்குறைய பொக்கிஷம் கதையை போன்றதுதான் என்பது நமக்கு கிடைத்திருக்கும் தகவல்.
இதுபோன்று ஒரே கதையில் தயாராகும் படங்களில் எந்தப் படம் முதலில் வெளிவருகிறதோ அந்தப் படத்துக்கே வெற்றி பெறுவதற்கான சதவீதம் அதிகம். அந்த வகையில் பொக்கிஷமே ரிலீஸில் முந்துகிறது.
இது ஒருபுறமிருக்க, கொரிய படமான கிளாஸிக்கை தழுவி பொக்கிஷம் படத்தை சேரன் எடுத்திருப்பதாகவும் தகவல் கூறுகிறார்கள் கோடம்பாக்கத்தில்.
சொந்த கற்பனையை மட்டுமே நம்பி படம் எடுப்பவர் சேரன். அவரது படம் குறித்துவரும் இந்த செய்திகளை பொக்கிஷம் பொசுக்கும் என்று நம்புவோம்.
0 comments:
Post a Comment