தில்லாலங்கடி என்றதும் ஜெயம் ரவி ஏதோ வில்லங்கம் செய்திருக்கிறார் என்று அவசரப்பட்டு நினைக்க வேண்டாம். இது அவர் நடிக்கப் போகும் படத்தின் பெயர்.
ஜனநாதனின் பேராண்மைக்குப் பிறகு மீண்டும் தனது அண்ணன் ராஜா இயக்கத்தில் நடிக்கிறார் ஜெயம் ரவி. வழக்கம்போல தெலுங்கில் வெற்றிபெற்ற கிக் படத்தின் ரீமேக்தான் இது.
“ஜெயம் ரவியை வைத்து கிக் ரீமேக்கை இயக்குகிறேன். இந்தப் படத்துக்குப் பிறகே அமீர் இயக்கும் கண்ணபிரான் தொடங்க உள்ளது. அப்படியே கிக் ரீமேக்கை எடுத்து முடிப்பதற்குள் கண்ணபிரானைஅமீர் தொடங்கினால், கண்ணபிரான் படப்பிடிப்பில் கிடைக்கும் இடைவெளியில் ஜெயம் ரவி நடிப்பார்.” படம் குறித்து விளக்கமாகவே சொல்லியிருக்கிறார் ராஜா.
கிக் ரீமேக்கில் ஜெயம் ரவி ஜோடியாக தமன்னா நடிக்கிறார். இன்னொரு ஹீரோ ஷாம். வடிவேலுவும் இருக்கிறார். படத்துக்கு தில்லாலங்கடி என்ற பெயர் பரிசீலனையில் உள்ளது. ராஜா இயக்கத்தில் ஜெயம் ரவி நடித்த சம்திங் சம்திங் உனக்கும் எனக்கும் படம் வெளிவந்த நேரம்தான் தமிழக முதல்வர், தமிழில் பெயர் வைக்கும் படங்களுக்கு வரிச் சலுகை அறிவிப்பை வெளியிட்டார். உடனே அவசர அவசரமாக சம்திங் சம்திங் உனக்கும் எனக்கும், வெறும் உனக்கும் எனக்குமாக சுருக்கப்பட்டது.
இதேபோலொரு அவஸ்தை மீண்டும் வந்துவிடக் கூடாது என்பதற்காக. தில்லாலங்கடி தமிழ் வார்த்தைதானா என்ற விவாதம் சூடாக நடந்து வருகிறது. தமிழ் வார்த்தை இல்லாவிட்டால் என்ன, தில்லாலங்கடியை முதல்வரை விட்டு தமிழ் வார்த்தையாக பிரகடனப்படுத்திவிட்டால் போச்சு.
0 comments:
Post a Comment