இளமையாகும் குஷ்பு - Kuspoo

பல லட்சம் செலவில் குஷ்புவை இளமையாக்குகிறார்கள். இதற்காக ஹாலிவுட்டிலிருந்து தொழில்நுட்பக் கலைஞர்கள் சென்னை வந்துள்ளனர்.

என்ன குழப்பமாக இருக்கிறதா? குழம்புவதற்கு இதில் ஒன்றுமில்லை. விஷயத்தை வி‌ரிவாக கேட்டால் உங்களுக்கே விளங்கிவிடும்.

தியாகராஜன் இயக்கும் பொன்னர் சங்க‌ரில் குஷ்பு தாமரை நாச்சியார் என்ற வேடத்தில் நடிக்கிறார். அவருக்கு ஜோடி ஜெயராம். இவர்கள் இருவ‌ரின் இளமைக்கால காட்சி படத்தில் இடம் பெறுகிறது. இளமை என்றால், 16 வயது குஷ்பு, 20 வயது ஜெயராம்.

குஷ்புவை பதினாறு வயதாக காண்பிக்க வாரணம் ஆயிரம் சூர்யா மாதி‌ரி இளைக்க சொல்லவா முடியும்? கிராஃபிக்ஸில் இளமையாக மாற்றுவதற்கு ஹாலிவுட் கலைஞர்களை வரவழைத்திருக்கிறார்கள். இதற்கே பல லட்சம் பட்ஜெட்டில் காலியாகிவிடும் என்கிறார்கள்.

பிரசாந்த் நடிக்கும் இந்தப் படத்தின் படப்பிடிப்பு சென்னை வள்ளுவர் கோட்டத்தில் ஜரூராக நடந்து வந்தது. யானைகள் எல்லாம் படப்பிடிப்புக்கு வரவழைக்கப்பட்டிருந்தன. பழங்கால குடிசை, கோயில் என்று ஒரே அமர்க்களம். பிரசாந்த் நடித்த படங்களில் இதுதான் அதிக பட்ஜெட்டில் தயாராகும் படம் என்கிறார்கள். எப்படியோ... அப்பாவும், புள்ளையும் கலக்குறாங்க.