ஒரே மேடையில் ர‌ஜினி, சசிகுமார் - Eeram Audio Release Rajini, Sasikumar

உங்களுக்கு பிடித்த நடிகர் யார்? சசிகுமா‌ரிடம் கேட்கப்பட்ட இந்த கேள்விக்கு அவரது பதில், கமல்ஹாசன். கமலின் ரசிகர் என்பதால் தனது பசங்க படத்தின் ஆடியோ விழாவுக்கு கமலை வரவழைத்தார். பல மேடைகளை இருவரும் பங்கு போட்டிருக்கிறார்கள். ஆனால் ஆகஸ்டு 9ஆம் தேதி அவர் மேடையை பகிர்ந்து கொள்ள இருப்பது சூப்பர் ஸ்டாருடன்.

ஷங்க‌ரின் எஸ் பிக்சர்ஸ் தயா‌ரித்திருக்கும் ஈரம் படத்தின் ஆடியோ மற்றும் ட்ரெய்லர் வெளியீட்டு விழா வரும் 9ஆம் தேதி நடக்கிறது. விழாவின் சீஃப் கெஸ்ட் ர‌ஜினிமுதல் ஆடியோ சிடி-யை ர‌ஜினி வெளியிட பெற்றுக் கொள்கிறவர் சசிகுமார்.

ஈரம் படத்தை ஷங்க‌ரின் முன்னாள் அசிஸ்டெண்ட் அறிவழகன் இயக்கியுள்ளார். நந்தா, ஆதி, சிந்துமேனன், சரண்யா மோகன் ஆகியோர் நடித்துள்ளனர். க்ரைம் த்‌ரில்லரான இப்படம் இம்மாத இறுதியில் திரைக்கு வருகிறது.

படத்துக்கு பாய்ஸ் படத்தில் நடித்த சாய் இசையமைத்துள்ளார். சாயின் இப்போதைய பெயர் தமன் எஸ். தெலுங்கில் சூப்பர் ஹிட்டான கிக் படத்துக்கு இசையமைத்த அதே தமன் எஸ். தான் ஈரத்துக்கு இசையமைத்திருக்கிறார்.