"ரஜினிகாந்தின் இளைய மகள் சவுந்தர்யா ரஜினிகாந்த், ஆக்கர் ஸ்டூடியோ என்ற நிறுவனத்தை நடத்தி வருகிறார். தமிழ், மலையாளம், தெலுங்கு, கன்னடம், இந்தி ஆகிய மொழி படங்களுக்கு கிராபிக்ஸ் மற்றும் டிஜிட்டல் வேலைகளை ஆக்கர் ஸ்டூடியோ செய்து வருகிறது. இந்த ஸ்டூடியோ சார்பில் ரஜினிகாந்த் நடிக்கும் 'சுல்தான் தி வாரியர்' என்ற அனிமேஷன் படத்தையும் சவுந்தர்யா ரஜினிகாந்த் டைரக்டு செய்து வருகிறார். இதையடுத்து அவர், ஆக்கர் பிக்சர் புரொடக்ஷன்ஸ் என்ற திரைப்பட நிறுவனத்தை தொடங்கி இருக்கிறார். இந்த நிறுவனம் சார்பில் முதல் தயாரிப்பாக, 'கோவா' என்ற படத்தை தயாரிக்கிறார். சென்னை-28, சரோஜா ஆகிய படங்களை டைரக்டு செய்த வெங்கட் பிரபு, கதை-திரைக்கதை-வசனம் எழுதி, டைரக்டு செய்கிறார். வாழ்க்கையில் நாம் ஒன்றை நினைத்து செயல்பட்டுக் கொண்டிருப்போம்.
ஆனால் வாழ்க்கை வேறுவிதமாக அமைந்துவிடும் என்ற கருவை அடிப்படையாக கொண்ட படம் இது. ஜெய், பிரேம்ஜி, வைபவ், சம்பத், அரவிந்த் ஆகாஷ் ஆகியோருடன் இதுவரை நடித்திராத ஒரு வேடத்தில் சினேகா நடிக்கிறார். மற்றொரு கதாநாயகியாக, அமெரிக்க நடிகை ஒருவர் நடிக்கிறார். சக்தி சரவணன் ஒளிப்பதிவு செய்ய, யுவன்சங்கர்ராஜா இசையமைக்கிறார். படப்பிடிப்பு தொடங்கி தேனி, பண்ணைபுரம் பகுதிகளில் நடைபெறுகிறது. "
0 comments:
Post a Comment