தெலுங்கு நடிகர் ராஜேந்திரபிரசாத்- ரம்பா ஜோடியாக நடித்த “குயிக்கன் முருகன்” என்ற படம் தற்போது ரிலீசாகி ஓடிக்கொண்டிருக்கிறது.
தமிழ் மற்றும் ஆங்கிலத்தில் இதில் வசனங்கள் உள்ளன. ராஜேந்திரபிரசாத் “கவ்பாய்” வேடத்திலும், ரம்பா வில்லனுக்கு உதவும் பார் டான்சர் கேரக்டரிலும் நடித்துள்ளனர். கிளை மாக்சில் வில்லனுக்கு எதிராக மாறி ராஜேந்திர பிரசாத்துக்கு உதவுவதுபோல் ரம்பா கேரக்டர் சித்தரிக்கப்பட்டு உள்ளது.
ரம்பா கேரக்டரை மட்டம் தட்டுவதுபோல் ராஜேந்திரபிரசாத் சமீபத்தில் கருத்து தெரிவித்தார். ரம்பா சிறு வேடத்தில்தான் நடித்துள்ளார். அதுவும் பார் டான்சராக வருகிறார் என்றார்.
இது ரம்பாவுக்கு ஆத்திரத்தை ஏற்படுத்தி உள்ளது. இதுபற்றி ரம்பா கூறியதாவது:-
ராஜேந்திரபிரசாத் எனது கேரக்டர் பற்றி சொன்ன கருத்துகள் தவறானவை. “பார் டான்சர்” என்று அவர் சொன்னது சரியல்ல. எனது கேரக்டர் படத்தில் முக்கியத்துவம் வாய்ந்தது. கதாநாயகன் குயிக்கன் முருகனுக்கு உதவும் வேடத்தில் நடித்துள்ளேன் என்றார்.
இதன்மூலம் இருவருக்கும் மோதல் உருவாகியுள்ளது.
0 comments:
Post a Comment