ஒரே நேரத்தில் விண்ணைத்தாண்டி வருவாயா, வாலிபன் படங்களுக்கான வேலைகளில் பிஸியாக இருக்கிறார் சிம்பு. இதில் வாலிபன் படத்தில் சிம்புவுக்கு ஜோடியாக சரத்குமாரின் மகள் வரலட்சுமி நடிக்கிறார் என்ற தகவல் முதலில் வெளியானது. பின்னர் கமல்ஹாசனின் மகள் ஸ்ருதி நடிக்கிறார் என்று தகவல் வந்தது. இப்போது லீனா என்ற புதுமுகம் நடிக்கவிருப்பதாக தகவல்கள் கசிந்துள்ளன. இதுகுறித்து சிம்பு அளித்துள்ள பேட்டியில், வாலிபன் படத்தில் எனக்கு ஜோடியாக நடிக்க ஸ்ருதி, வரலட்சுமி, லீனா ஆகிய 3 பேரை யோசித்து வைத்திருக்கிறேன். யாரை நாயகி ஆக்குவது என்று இன்னமும் முடிவு செய்யவில்லை. விரைவில் எனது ஜோடியின் பெயரை அறிவிப்பேன், என்று கூறியிருக்கிறார். வரலட்சுமி சரத்குமார் ஏற்கனவே கெட்டவன் படத்தில் ஒப்பந்தமானார். பின்னர் என்ன காரணத்தினாலோ அந்த படத்தில் இருந்து விலகி விட்டார் என்பது நினைவு கூறத்தக்கது.
0 comments:
Post a Comment