ஸ்ரேயா சமீபத்திய படங்களில் அதிக கவர்ச்சியாக நடிக்கிறார். இதற்கென அவர் கூடுதல் சம்பளம் வாங்குவதாக கிசுகிசுக்கப்படுகிறது. முத்தக்காட்சி, நீச்சல் உடை காட்சிகளுக்கென தனித்தனி சம்பளத்தொகை நிர்ணயித்திருப்பதாகவும் செய்தி பரவியுள்ளது. ஐதராபாத்தில் இதுபற்றிய கேள்விக்கு ஸ்ரேயா அளித்த பதில் வருமாறு:-
முத்தம் மற்றும் நீச்சல் உடை காட்சிகள் இந்திப்படங்களில் பிரபலம். அவை இப்போது தென்னிந்திய மொழி படங்களுக்கும் பரவி உள்ளது. அது சரியா தவறா என்பதற்குள் செல்ல நான் விரும்பவில்லை. அது அந்தந்த நடிகைகளின் மன நிலையை பொறுத்தது.
இந்த மாதிரி காட்சிகளில் நடிக்க நான் அதிக சம்ப ளம் கேட்பதாக செய்தி வந்துள்ளது. அதில் உண்மை இல்லை.
சினிமா என்பது ஒரு மாயை உலகம். இங்கு கவர்ச்சி அவசியமாகி விட்டது. அழுது வடியும் “ஆர்ட்” பிலிம்களை பார்க்க ரசிகர்கள் விரும்புவதில்லை. மூன்று மணி நேரம் கவலைகளை மறந்து சந்தோஷமாக இருந்து விட்டு போக தியேட்டர்ளுக்கு வருகிறார்கள். அதை பூர்த்தி செய்ய வேண்டும். முத்தக் காட்சிகளுக்கும் நீச்சல் உடை காட்சிகளுக்கும் அதிக சம்பளம் கேட்கவில்லை. மற்ற நடிகைகளை பற்றி எனக்கு தெரியாது.
சினிமாவில் கதாநாயகிகளுக்கு முக்கியத்துவம் இல்லை என்ற ஆதங்கம் எனக்கு இருக்கிறது. காதல் செய்யவும் டூயட் பாடவும் மட்டுமே அவர்களை பயன்படுத்துகின்றனர். கதாநா யகர்களை சுற்றித்தான் கதை பின்னப்படுகிறது. அது மாற வேண்டும். கதாநாயகிகளுக்கும் முக் கியத்துவம் அளிக்கும் வகையில் கதைகளை உருவாக்க வேண்டும். அது மாதிரி கதையம்சம் உள்ள படத்தில் நடிக்க நான் காத்துக்கொண்டு இருக்கிறேன். சவாலான கதாபாத்திரங்களில் நடிக்க ஆர்வம் இருக்கிறது.
சிவாஜி படம் மூலம் எனக்கு ஒரு அந்தஸ்து கிடைத்தது. இதை தக்கவைத்துக் கொள்ள விரும்புகிறேன். எப்படிப்பட்ட கேரக்டரிலும் நடிக்க முடியாது. எனக்கு முக்கியத்துவம் இருக்கிறதா என்பதை பார்த்தே நடிக்க ஒப்புக்கொள்கிறேன்.
நான் அழகில் மெருகேறிக்கொண்டிருப்பதாக கூறுகிறார்கள். என்னைப் பொறுத்த வரை எப்போதும் போல ஒரே மாதிரி தான் இருக்கிறேன். ஒளிப்பதிவாளர், மேக்கப் மேன், இயக்குனர் மூவரும்தான் என்னை அழகாக காட்டுகிறார்கள்.
ஒரு பாட்டுக்கு நடனம் ஆட நிறைய வாய்ப்புகள் வருகின்றன. ஆனால் அப்படி ஆடுவது ரசிகர்களுக்கு பிடிக்கவில்லை. கதாநாயகியாக நடிப்பதை தான் விரும்புகிறார்கள். எனக்கு திருமணம் இப்போது இல்லை. நானோ எனது குடும்பத்தினரோ அது பற்றி இன்னும் சிந்திக்கவே இல்லை.
0 comments:
Post a Comment