தயாரிப்பாளர் சங்கிலி முருகன் காதலுக்கு மரியாதை படத்துக்குப் பிறகு தயாரித்திருக்கும் படம் அழகர் மலை. இளையராஜா படத்துக்கு இசையமைத்துள்ளார்.
எல்லாம் அவன் செயல் படத்தில் ஹீரோவாக நடித்த ஆர்.கே. இந்தப் படத்திலும் ஹீரோவாக நடிக்கிறார். பணம் படைத்த வீட்டின் தெனாவட்டு வாரிசாக நடித்திருக்கும் அவருக்கு ஜோடி தாமிரபரணி பானு.
படத்தில் தன்னுடைய கதாபாத்திரம் பற்றி ஆர்.கே.இப்படி கூறுகிறார். "எல்லார் வாழ்க்கையிலும் சில விபத்துகள் நடக்கும். அது நல்லதாகவும் இருக்கும். அது சில பேரை மாற்றும். சில பேரை வீழ்த்தும். வரட்டு கவுரவத்துடன் நடந்து கொள்ளும் என்னுடைய கேரக்டர் எப்படி மாறுதுங்கிறது கதை.
கிராமத்து திருவிழாவுக்கு பட்டணத்திலிருந்து வருகிறார் பானு. அவரது வருகை சில எதிர்பாராத விஷயங்களை கிராமத்தில் ஏற்படுத்துகிறது. அதுதான் படத்தின் மையம். நெப்போலியன், லால் இருவரும் முக்கியமான வேடத்தில் நடித்துள்ளனர். ஆர்.கே.யின் மாமாவாக படம் நெடுக பட்டையை கிளப்பியிருக்கிறார் வடிவேலு.
பொன்மனம், என் உயிர் நீதானே, என் புருஷன் குழந்தை மாதிரி, கார்மேகம் ஆகிய படங்களை இயக்கிய எஸ்.பி.ராஜ்குமார் அழகர் மலையின் கதை, திரைக்கதை, வசனம் எழுதி படத்தை இயக்கியிருக்கிறார். மணிவண்ணன், சுகன்யா, சரவணன, சோனா ஆகியோரும் படத்தில் நடித்துள்ளனர்.
கார்த்திக் ராஜா ஒளிப்பதிவு செய்துள்ளார். சண்டைப் பயிற்சி ராக்கி ராஜேஷ். ஏடிட்டிங் ஹர்ஷா. இசை இளையராஜா. சென்னை, மதுரை மற்றும் அதன் சுற்றுப்புறங்களில் படப்பிடிப்பை நடத்தியுள்ளனர். படம் இம்மாதம் திரைக்கு வரும் என எதிர்பார்க்கப்படுகிறது.
0 comments:
Post a Comment