புதுப்படங்கள் ரிலீசுக்கு தயாரிப்பாளர் சங்கம் கட்டுப்பாடுகள் விதித்துள்ளது. பண்டிகை காலங்களில் பெரிய நடிகர்கள் படங்களை வெளியிடலாம் என்றும் இந்த முறை அமலுக்கு வருகிறது.
இதனால் ஆதவன், பேராண்மை, ஜகன்மோகினி ஆகிய மூன்றும் மற்ற நாட்களில் சிறுபட்ஜெட் படங்களை வாரத்துக்கு இரண்டும் ரிலீஸ் செய்ய வேண்டும் என்றும் அறிவுறுத்தியுள்ளது. தீபாவளி பண்டிகையில் இருந்து பெரிய படங்கள் மட்டும் தீபாவளிக்கு வருகின்றன. சிறுபட்ஜெட் படங்கள் ரிலீஸ் தள்ளி வைக்கப்பட்டு உள்ளன.
“ஆதவன்” படத்தில் சூர்யா, நயன்தாரா முதல் முறையாக ஜோடியாக நடித்துள்ளனர். உதயநிதி ஸ்டாலின் தயாரித்துள்ளார். கே.எஸ்.ரவிக்குமார் இயக்கியுள்ளார்.
தமிழ்நாடு முழுவதும் 250 முதல் 300 தியேட்டர்களில் படத்தை திரையிட திட்டமிட்டுள்ளனர்.
ஹாரீஸ் ஜெயராஜ் இசையில் இப்படத்தில் வரும் “ஹசிலி பிலிலி” பாடல் ஹிட்டாகியுள்ளது. செல்போன்களில் ரிங்டோன் ஆகுவும், இப்பாட்டு ஒலிக்கிறது.
ஆக்ஷன், காமெடி கலந்த குடும்ப பாங்கான படமாக தயாராகியுள்ளது. எல்லா ஏரியாக்களிலும் அதிக தொகைக்கு இப்படம் விலை போய்உள்ளது.
பேராண்மை ஜெயம் ரவியின் மெகா பட்ஜெட் படம். இதில் ஜெயம் ரவி வித்தியாசமான கெட்டப்பில் தோன்றுகிறார். “ஹாலிவுட்” ராம்போ பட பாணியில் காட்சிகளை எடுத்துள்ளனர். கேரள காடுகளில் எந்திர துப்பாக்கியுடன் உயரமான மரங்களில் ஜெயம் ரவி ஏறி இறங்கும் காட்சிகள் ஆங்கில நடிகர்களுக்கு இணையாக படமாக்கப்பட்டு உள்ளது.
இதில் தன்சிகா, மகா, வியாஸ்ரீ, சரண்யா, வசுந்தரா என 5 கதாநாயகிகள் நடித்துள்ளனர். இவர்கள் என்.சி.சி. மாணவிகள் கேரக்டரில் வருகின்றனர். அவர்களுக்கு பயிற்சி அளிக்கும் வேடத்தில் ஜெயம்ரவி நடிக்கிறார்.
ரோலன்ட் சிக்கிங்கார் என்ற ஹாலிவுட் நடிகர் வில்லனாக நடிக்கிறார். எஸ்.பி.ஜனநாதன் இயக்குகிறார். இவர் “இயற்கை” “ஈ” படங்களை டைரக்டு செய்தவர். வித்யாசாகர் இசையமைக்கிறார்.
ஜகன்மோகினி நமீதா, நடித்துள்ள படம். பிரபல ஒளிப்பதிவாளர் என்.கே.விஸ்வநாதன் இயக்கியுள்ளார். ஏற்கனவே “ஜெயமாலினி” நடித்து வெற்றிகரமாக ஓடிய பழைய ஜகன்மோகினியின் ரீமேக்கே இப்படம். நவீன தொழில் நுட்பத்தில் கிராபிக்ஸ் காட்சிகள் அமைத்திருப்பது இதன் சிறப்பு அம்சம். இளையராஜா இசையமைத்துள்ளார். சமீபத்தில் அனுஷ்கா நடித்த அருந்ததி படம் தமிழகமெங்கும் வசூலை வாரிகுவித்தது. இதே போல் இந்த பேய் படமும் அதிக வரவேற்பை பெறும் என எதிர்பார்க்கின்றனர்.
0 comments:
Post a Comment