நான் அவனில்லை படத்தின் 2-ம் பாகம் தயாராகி வருகிறது. ஜீவன் கதாநாயகனாக நடிக்கும் இப்படத்தை செல்வா இயக்குகிறார். ஐரோப்பிய நாடுகளில் 45 நாட்கள் படப்பிடிப்பு நடந்துள்ளது.
சுவிட்சர்லாந்து, ஜெர்மனி, இத்தாலி, துபாய் ஆகிய நாடுகளில் படப்பிடிப்பு நடத்தப்பட்டு உள்ளது. ஜீவன் பாகதவர் ஸ்டைலில் நீண்ட தலைமுடியுடன் வித்தியாசமான கெட்டப்பில் வருகிறார். வெளிநாடுகளில் ஐந்து கதாநாயகிகளை அவர் ஏமாற்றுவது போல் காட்சிகள் எடுக்கப்பட்டு உள்ளன.
ஏமாறும் கதாநாயகிகளாக சங்கீதா, லட்சுமி ராஜ், சுவேதா மேனன், ஹேமமாலினி, ரக்ஷனா ஆகியோர் நடித்துள்ளனர். நேமிசந்த் நிறுவனம் சார்பில் இத்தேஷ் ஜபக் தயாரித்துள் ளார். அவரிடம் இருந்து இப்படத்தை வாங்கி வெளியிடுகிறார் ரஞ்சன். இவர் பிரபல விநியோகஸ்தர். சமீபத்தில் `மதுரை சம்பவம்', `ஈரம்' போன்ற படங்களை விநியோகம் செய்தவர் என்பது குறிப்பிடத்தக்கது. ஒளிப்பதிவு: பாலமுருகன், இசை: டி. இமான்.
0 comments:
Post a Comment